Gipahibalo sa PDRRMO nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR).
Ang western Mindanao nagpabiling apektado sa Amihan (Northeast Monsoon) ug tungod niini maka-sinati sa panalagsang pagdag-um ngadto sa mapanganuron nga kalangitan inubanan sa pat-ak pat-ak nga mga hinay nga pag ulan.
Hinay ngadto sa kasarangan nga hangin gikan sa Amihanang-sidlakan (Northeast) maoy mo-resulta sa 0.5 – 0.8 meters nga balud sa kadagatan sa western Mindanao.
Masinati lang dinhi sa dakbayan sa dipolog ang kalit nga pag-ulan panahon sa kagabhion ug sa may kadlawon
Kaganinang kadlawon adunay pag-ulan nga nasinati diri sa sentrong bahin sa Dipolog
Mabati usab ang grabeng ka bugnaw panahon sa kagabhion ug kaadlawaon nga manuhot-suot gayud sa panit.
Samtang ang taga CDRRMO kanunay gihapon nga nagpahimangno sa katawhan dinhi sa Dipolog ug sa mga nanimuyo diha sa mga prone area sama baha, pagdahili sa yuta nga magbinantayon ug kanunayng alerto matag karon ug unya bisan paman walay bagyo aron malikay sa mga risgo.
