Garbo karon Zamboanga del norte PPO ang pagka sakmit sa unang pwesto sa bag-ohay palang nga 1st PRO-9 Taekwondo Meet didto kini gipahigayon sa PRO9 Multi-Purpose Hall, Camp Col. Romeo A Abendan, Mercedes, Zamboanga City.
Ang mga partisipante ani mao ang mga pinili nga sakop sa kapulisan sa nagkadaiyang provincial office nga gilangkuban sa Zamboanga Del norte Police Provincial office, Zamboanga Sibugay Police provincial Office, Zamboanga del sur Police Provincial Office ug Zamboanga City Police office.
Nakuha sa Zamboanga del norte Police Provincial Office ang unang pwesto nga adunay upat ka medalya, duha niini ang Gold, usa ka Silver ug Usa ka Bronze.
Samtang ang Zamboanga del sur provincial police office nakuha nila ang ikaduha nga pwesto, human naka angkon ug usa ka Gold, usa ka Silver, usa ka Bronze.
Lain pa usab nga nahimong midaog sa usa ka adlaw nga pretihiyosong kompetisyon ang nahatagan ug pasidungog, gani dako ang ilang pasalamat nga nahilakip sila sa maong kompetisyon.
Ilang gipamatud-an nga dili lang sila hanas sa pakigharong sa mga kriminal apan bisan paman sa natad sa pa-ugnat sa kusog kaya usab nila nga buhaton.
Ang nahimong over all champion mao ang sakop sa Zamboanga City Police office nga nakasakmit sa lima ka mga medalya.
