Ang mga walay sakit dili kinahanglan nga mo suot ug Facemasks alang sa proteksyon batok sa 2019 nCoV, mas maayo nga I mentenar ang kalimpyo sa palibot ug sa lawas.
Giklaro sa mga health officials dinhi sa Zamboanga del norte, ang prayoridad nga mosuot ug face mask mao lamang kadtong nagsakit nga adunay ubo, hilanat, ug sip-on tungod kay dali kini silang mataptan ug sakit.
Gidugang pa kinahanglan usab ang mga adunay sakit sa baga, magsuot gayud ug mask.
Kini nga pamahayag gipagawas tungod nagkanihit sa suplay sa face mask dinhi sa probinsya ug mga kasikbit nga lugar human gipahibalo nga adunay kaso sa Ncov sa pilipinas.
Matod ni provincial health officer Dr. Esmeralda Nadela, walay dapat kabalak-an ang katawhan, tungod kay kanunay sila nga naghimo ug monitoring kun unsay estado sa padayong pagkuyanap sa virus.
Samtang ang DOH, gipahinumdoman ang publiko nga dili magpataka sa ug pakatap sa mga dili beripikadong impormasyon nga makita diha sa social media kalabot sa nCov tungod kay makahatag kini ug kabalaka ug kalibog sa kadaghanan.
