Ramon Magsaysay, Zamboanga del Sur – Blangko pa ang awtoridad sa motibo sa pagpatay sa usa ka konsehal sa San Fernando, Cebu City, human kini gipusil sa lungsod sa Ramon Magsaysay, Zamboanga del Sur kagahapong adlawa.
Matud pa ni Senior Insp. Ryan Wakat, hepe sa Ramon Magsaysay Municipal Police Station nga gikan nag-ehersisyo si Alfonso Donaire IV ug naglakaw kini pauli sa balay sa iyang amahan sa dihang gipusil siya sa wala maila nga riding in tandem.
Narekober sa crime scene ang tulo ka basiyo sa kalibre 45 ug duha ka basiyo sa 9mm pistol.
Sa inisyal nga imbistigasyon sa mga otoridad, nasayran nga daling miikyas ang mga suspetsado padulong ngadtu sa Molave Zamboanga del Sur, human sa maong insidente.
Sa kasamtangan, anaa karun sa Purok 2, Brgy. Ramon Magsaysay ang patay`ng lawas sa naasoy nga konsehal.
