Ang Department of the Interior and Local Government (DILG) Zamboanga del Norte ilawom sa pagpangulo ni Provincial Director Lerma Campaner ang mipadangat ug sulat kopya ngadto sa buhatan ni Gov. Roberto Uy kini kalabot na sa Memorandum gikan sa buhatan ni DILG Regional Director Paisal Abutazil mahitungod na sa ipahigayon nga Zamboanga Peninsula Barangay Negosyo Summit nga nakatakda karong adlawa Oktobre 8, 2018 didto sa Zamboanga City.
Ang maong Memorandum namugna isip pagsanong ngadtu sa sulat nga gipadangat sab gikan sa buhatan ni DTI Regional Director Sitti Amina Jain diin ang DTI maoy manguna sa maong kalihukan.
Tumong sa maong Zamboanga Peninsula Barangay Negosyo Summit nga madasig ang entrepreneurial mindset sa mga barangay officials, ilabi na ang barangay captains, ug mapahugtan ang suporta sa mga barangay officials pinaagi sa paningkamot sa gobyerno nga ma promote ang entrepreneurship sa mga lumulupyong katawhan.
Tukion sab sa maong kalihukan ang nabantog nga probisyon sa Republic Act 11032 o nailang ‘Ease of doing Business and Efficient Delivery of Government Services Act of 2018.
Sa maong kalihukan lauman ang pagtambong ni Presidente Rodrigo Duterte isip dinapit nga guest of honor.
Mutambong sab sa maong summit ang DTI Sec. Ramon Lopez ug DILG Sec. Eduardo Aᾐo .
Tinguha nga mutambong sa maong tibuok adlaw nga kalihukan ang anaa sa 1, 904 ka mga barangay captains sa tibuok rehiyon 9 kauban ang usa ka MSME o Micro, Small and Medium Enterprises sa ilang lokalidad.
Ang maong kalihukan ang nagdala sa tema nga ‘Barangays: Seedbed of Entrepreneurial Talents’.(PIC-JoyEngoc)
