Dipolog City-Wala pa gikompirmar sa Department of Health (DOH) ang pito ka bata nga gi suspetsahang kun adunay ba kini Polio dinhi sa Zamboanga Peninsula, tungod kay wala pa nila nadawat ang resulta gikan sa sample nga ilang nakuha.
Gibutyag ni DOH Undersecretary Eric Domingo, nga adunay mga bata ang nag luya, pero ila pa kining gi test kun polio ba o dili.
Sa gikataho nga adunay pito ka buok ang adunay Polio dinhi sa Zamboanga Peninsula
Gitin-aw karon ni Department of Health (DOH)-Region 9 Director Dr. Emilia Monicimpo, sa walo gikan sa kinse (15) ka specimens nga ilang gipadala sa research institute for tropical medicine para sa kumpirmasyon, migawas sa resulta nga negatibo sa sakit nga Polio.
Mo gawas matod pa ang resulta sa nahabiling sample karong sunod semana matod ni Dr. Monicimpo
Niadtong Lunes, migawas ang balita nga adunay pito ka kaso sa gituohang Polio dinhi sa Zamboanga Peninsula
Matod sa DOH-Region 9, 71% sa kabataan dinhi sa Region-9 ang napabakunahan kontra Polio niadtong nakalabayng tuig, mas layo kumpara sa 95% nga target sa DOH
Tungod sa mga rason may kalabot sa nahitabo sa Dengvaxia, walay saktong impormasyon o possible tungod kay layo gikan sa mga health centers.
Halos duha n aka dekada ang milabay human mibalik ang Polio dinhi sa Pilipinas ug duha na niini ang kumpirmadong kaso sa Polio usa sa Lanao del Sur, ug usa sa Laguna.
Gibahibalo karon sa DOH nga maghimo sila ug massive vaccination campaign karong October 14 ngadto 15, 2019.
Ang Polio o poliomyelitis, matod pa sa Center for Disease Control and Prevention (CDC), maka bakol kini ug possible pa nga mo resulta sa pagkamatay tungod sa inspeksyon nga dala sa poliovirus.
Ang virus mo kaylap kini gikan sa tawo ngadto sa tawo, ug maapektahan ang utok ug spinal cord nga mo resulta sa pagka paralisa nga kung diin maglisod na sa pag lihok sa tibuok lawas.
Ang sintomas sa pagka Polio mao ang pagsakit sa tutunlan, hilanat, pagkalapoy sa kalawasan, pagsuka, sakit sa ulo, ug sakit sa tiyan nga molungtad sa 2 ngadto lima ka adlaw.
