Duha nga wanted sa kasong pagpanlugos nadakpan sa One Time Big Time Operation

Pagadian City – Prisohan ang gitugpahan sa duha ka lalaki nga pulos wanted sa kasong pagpanlugos human kini nadakpan sa gipahigayon nga One Time Big Time Operation sa Purok Bonifacio, Barangay Santo Niño ning syudad sa Pagadian City kagahapong adlawa.
Giila sa elemento sa kapulisan ang mga nadakpan nga sila si Glenziel Labitad, 22-anyos ug Kenly Opsima, 24 -anyos parehong lumupyo sa Brgy. Sto. Niño ning dakbayan.
Gidakop ang akusado pinasikad sa gahom sa warrant og Arrest sa kasong Rape kun paglapas sa Article 266-A ug Art. 266-B sa Revised Penal Code nga gipagawas ni Judge Analyn Ramas-Costanilla, sa Regional Trial Court, Ninth Judicial Region, Branch 22, Pagadian City.
Walay pyansa nga girekomenda ang korte bugti sa temporaryong kagawasan sa mga dinakpan nga karon gikustodiya sa Pagadian City Police Station.