Dipolog City-Pabilin pa gihapon karon nga GM si Adelamo Laput, sa Zamboanga del norte Electric Cooperative (ZANECO), taliwala sa daghang mga kontrobersya nga giatubang ilabi na ang wala pagka sinabtanay sa myebro sa board of directors.
Si Laput mo serbisyo pa kini sa Zaneco hangtod sa pangidaron nga 65 anyos nga mao na ang Compulsory Retirement, tungod kay wala nagmalampuson ang Board Resolution sa pagpanguna ni BOD Pres. Uhlan Calasang nga pa retirohon na si Laput.
Pila na ka mga resolusyon ang ang gipadas-og batok kang general manager nga gipasaka didto sa national electrification Administration (NEA) apan gipaburan gihapon si GM Laput.
Sa habig ni Laput, mirekomenda kini ngadto sa Institutional Services Department (ISD) ang pagtangtang sa serbisyo isip BOD nga sila si Uhlan Calsang, Adrian Deo Dalman, Danelito Castro, may kalabutan kini sa dili ma esplikar nga mga cash advance sa nahisgutan nga mga BOD.
Hinuon gisiguro sa kadumalahan sa koperatiba nga bisan paman adunay wala pagkasinabtanay sa mga opisyal sa Zaneco, pero dili kini makaapekto sa ilang serbisyo ngadto sa myembro konsumante.
