ZCPO YA RECIVI 13 MOTORCICLO DESDEL PRO9

22

El policia local del Ciudad de Zamboanga ya recivi trese mga Rouser motorciclo desdel mando policia rehiyunal enantes aga. Pormedio del mga personajes del Regional Support and Accountable Office (RSAO) del PRO9, ya man turn-over con el mga motorciclo con el mismo hefe del policia local Senior Supt. Neri Vincent Ignacio. Ya ofrece el Mando Rehiyunal con el mga motor para utiliza na conducta del “Counter Strike Operations” y patrolya del policia local aqui na fueblo. Por su parte,ya rendi gracias si Ignacio con el PRO9 bajo na liderato de Chief Supt Billy Beltran por el bastante suporta que ta ofrece ele na policia local, y ya promete que quida ele buenamente coneste mga motorciclo para fuede servi con el publico. -Bhong Simbajon/RMN News

Facebook Comments