Sa interbyu sa DXDC RMN Davao kang Police Major Catherine dela Rey, Davao City Police Office (DCPO) spokesperson, target nila nga makab-ot ang zero crime incident sa month long nga kasaulugan.
Sumala ni Dela Rey, pinakadaghang awtoridad ang ma-deploy sa Parada Dabawenyo nga usa sa mga highlight nga events sa Araw ng Davao.
Hugot usab ang seguridad sa San Pedro Cathedral Parish diin ipahigayon ang misa ug sa opening sa Araw ng Davao unyang hapon sa pagpanguna ni Davao City Mayor Sebastian Duterte.
Nagpahimangno ang kapulisan sa mga senior citizens nga kinahanglang adunay mualalay kanila samtang galantaw sa mga aktibidad ug kung mamahimo ang mga bag-ong natawo nga mga bata dili nalang dad-on diha sa kadalanan aron dili mabutang sa risgo ang ilahang mga panlawas.
Giawhag ni Dela Rey ang publiko nga musalmot sa mga kalingawan sa Araw ng Davao apan himuon kining luwas pinaagi sa pagtuman sa mga balaod ug pagobserba sa culture of security.
RadyoMaN Aimee Guinita
