Davao City – Ang dakbayan sa Davao nakasinate ug zero insidence ug generally peaceful subay sa record gikan Davao City Police Office (DCPO) ug walay natala nga dagko panghitabo walay nasamdaN sa mga pabuto ug walay nagpabuto ug armas.ang San Pedro ug Sta. Ana PNP hapsay ug malinawon sukad niadtong milabayng adlaw atol sugat sa kapaskohan.
Sa esklusibong interview sa DXDC RMN Davao ngadto kang Police Chief Inspector Benkalin Baluan, Station Commander San Pedro PNP, nga hugot gipatuman ang kampanya sa Oplan Firecracker Ban nga gidili ang pagpabuto subay sa City Ordinance ning dakbayan.
Matud ni Baluan nga naglusad usab sila ug rekorida sa ilang areas of responsibility.
Samtang ang Sta. Ana PNP walay nadakpan ug walay natala nga nagpabuto subay sa pamahayag ni Police Chief Inspect Michael Uyanguren, Station Commander sa Sta. Ana PNP, nga naka-alerto gihapon kanunay ang iyang mga ginsakpan.
Subling gipahinumdoman ang katawhan Dabawenyo nga panahaon sa pagselebrar sa kapaskohan ug Bag-ong Tuig mas strikto nga gipatuman ang maong balaud nga gidili ang pagpabuto subay sa City Ordinance No. 060-02, human gi-aprubahan ni Mayor Duterte niadtong Nobyembre 6, 2002 ning siyudad Davao.
Sa mga makalapas niini pagamultahan sa first offense P1,000.00 ug mabilango sa 20 ka adlaw ngadto usa ka bulan; second offense P3,000; ug third offense P5,000 o lima ka bulan sa pagkabilango.
Hinuon gitugotan ang katawhan nga mugamit og torotot kun musalmot sa ipahigayon nga Torotot Fiestival countdown himuon didto sa Rizal Park ning dakbayan.
RadyoMaN Don Pulayao
