Davao City – Nagtanyag og loan ang Department of Agriculture (DA) alang niadtong mga hog raisers nga apektado sa African Swine Fever (ASF).
Sa interbyu sa DXDC RMN Davao kang Noel Provido, spokesperson sa DA-XI, gibutyag niini nga muabot sa P30,000 ang pwedeng ma-loan sa mga ASF-affected hog raisers diin mamahimo kining bayaran sulod sa tulo ka tuig nga walay interest.
Gibutyag ni Provido gitagana ang maong loan alang niadtong mga naapektuhan sa ASF aron ilang magamit sa ilang alternatibong panginabuhian gawas sa pagbuhi og baboy.
“Kadtong mga farmers nga nakuhaan og livelihood because of the ASF. So mao to sila ang ma-qualify nga mo-apply for loan,” saysay ni Provido.
Gisaysay sa opisyal nga mamahimo lamang silang muduol sa ilang munisipyo o sa mismong opisina sa DA aron sila maka-avail ug mapasabot sa sistema sa loan ug ang mga requirements nga gikinahanglan.
RadyoMaN Kirby Manzon
