Davao City – Obligahon na ang matag balay nga magbaton og kaugalingong comfort room kun CR pinaagi sa bag-ong iduso nga ordinansa sa dakbayan sa Davao.
Sa interbyu sa DXDC RMN Davao kang 3rd district City Councilor Joselle Villafuerte, gibutyag niini nga sa higayon nga mapasar na ang ordinansa, kinahanglang magbaton na ang matag balay og toilet nga adunay septic tank diin sutaon usab kini sa mga health officials.
“Tanang mga balay mag-require na ta og toilet with septic tank. Mag inventory karon ang atong health officials ilabi na ang sanitation unit. Tan-awon kinsa ang mga balay nga wala ug i-require na tanan pagpasa aning ordinansa,” saysay ni Villafuerte.
Dugang ni Villafuerte nga posibleng magbaton usab og multa ug masilotan ang kinsa mang dili mutuman niini subay usab sa balaod sa nasud sama sa sanitation code of the Philippine.
RadyoMaN Kirby Manzon
