Ang Zamboanga del norte police provincial Office (ZNPPO) ilang nakab-ot o nagmalampuson sila sa ilang mga aktibidad sa 2017 ilawom sa pagdumala ni PS/Supt Raul Mendita Tacaca, ang acting Provincial Director sa ZNPPO.
Ang mao nga buhatan adunay tukmang suporta aron magmalampuson ang ilang mga maayong plano pinaagi na usab sa pagpaningkamot sa duha ka city police station nga mao ang dakbayan sa dapitan ug diri sa dakbayan sa dipolog, 25 ka Municipal Police Station ug team leader sa provincial public safety company (PPSC) sa PPO lakip na usab ang suporta sa LGUs, NGOs ug mga katawhan sa tibuok Zamboanga del norte.
Ang ilang operational thrust epektibo nga nakontrolar ang pagtaas sa krimen ilabi na ang pag ubos sa kaso sa illegal nga droga, illegal nga sugal, ug anti terrorism hinungdan nga ang tibuok Zamboanga del norte gitawag kini nga most peaceful province sa tibuok Zamboanga peninsula pinaagi na usab sa pagpaningkamot sa PNP aron ipahamtang o ipatuman ang balaod nga walay kukahadlok ug pag pabor-pabor aron magpabilin ang pagsalig ug kumpyansa sa katawhan sa ilang trabaho ug responsibilidad sa ilang organisasyon.
Isip pag pamatood, ang ZNPPO naka dawat ug pasidunog nga mo abot sa 3,048 ang gihatag ngadto sa ZNPPO, 214 ngadto sa PCOs nga gilangkuban sa Medalya ng kagalingan, medalya ng kasanayan, medalya ng paglaban sa manliligalig, medalya ng paglilingkod, medalya ng paglilingkod sa Mindanao, medalya ng papuri, medalya ng sugatang magigting ug medalya ng ugnayang pampulisya nga nagpakita ug talagsaong kahimoan isip alagad sa balaod.
