‎𝗗𝗥𝗜𝗩𝗘𝗥 𝗡𝗔 𝗧𝗨𝗟𝗔𝗞 𝗡𝗚 𝗜𝗟𝗘𝗚𝗔𝗟 𝗡𝗔 𝗗𝗥𝗢𝗚𝗔, 𝗔𝗥𝗘𝗦𝗧𝗔𝗗𝗢

‎
‎Cauayan City – Matagumpay na naaresto ng Cauayan Component City Police Station ang isang driver sa isinagawang anti-illegal drug buy-bust operation sa Barangay Minante 1, Cauayan City, Isabela nitong ika-16 ng Enero 2026.
‎
‎Kinilala ang suspek sa alyas na “Ramon,” 36-anyos, may asawa, residente ng nabanggit na lugar at itinuturing na Street Level Individual (SLI) na umano’y sangkot sa pagbebenta at paggamit ng ilegal na droga sa nasabing barangay.
‎
‎Sa operasyon, nakuha mula sa pag-iingat ng suspek ang ilang hinihinalang shabu na nakasilid sa mga plastic sachet at foil, buy-bust money, boodle money, dalawang cellphone, lighter, gunting, pouch, mga gamit sa paninigarilyo, at kanyang driver’s license.
‎
‎Matapos ang operasyon, dinala ang suspek at mga ebidensya sa Isabela Provincial Forensic Unit para sa pagsusuri bago siya sinampahan ng mga kasong paglabag sa Sections 5 at 11 ng Republic Act 9165.
‎
‎Isinagawa naman ang operasyon ng pinagsanib na pwersa ng Drug Enforcement Unit ng Cauayan CCPS, katuwang ang Provincial Drug Enforcement Unit–IPPO, RMU 2, RIU 2, at sa koordinasyon ng Philippine Drug Enforcement Agency Regional Office 2.

————————————–
‎Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.
‎#985ifmcauayan
‎#idol
‎#numberone
‎#ifmnewscauayan