Patay ang Isang katao habang kasalukuyang inoobserbahan sa pagamutan ang tatlo iba pa sa naganap na banggaan ng dalawang motor sa bayan ng Pozorrubio.
Kinilala ang namatay na biktima na si Mitch Domingo, residente ng nasabing bayan habang kasalukuyang inoobserbahan sa pagamutan ang driver ng sinakyang motor nito na si Jhon Tambot at kabanggaan nilang motor na minamaneho ng isang Kurt Basada at angkas nito na si Darly Rillera.
Ayon sa imbestigasyon, nangyari ang aksidente ng tatawid sana ang motor nina Domingo para bumalik sa kanilang linya subalit sakto namang padating ang motor nina Basada at dito na nagpang-abot ang kani-kanilang sinasakyang motorsiklo dahilan ng head-on collision.
Dahil dito ay tumilapon ang apat na mga biktima na nagtamo ng mga sugat sa iba’t-ibang bahagi ng mga katawan na agad namang naisugod sa pagamutan subalit idineklarang dead-on-arrival si Domingo habang kasalukuyang inoobserbahan pa ang tatlong iba pa. |𝙞𝙛𝙢𝙣𝙚𝙬𝙨
