Cauayan City – Inilabas ng Isabela I Electric Cooperative, Inc. (ISELCO-I) ang bagong power rates para sa buwan ng Enero ngayong taon.
Naitala ang residential rate sa Php 8.7764 kada kWh, Php 7.9267/kWh para sa low voltage, at Php 6.0822/kWh para sa high voltage consumers.
Ayon sa kooperatiba, bumaba ang generation cost ng Php 0.0685/kWh bunsod ng mas mababang presyo ng kuryente mula sa Wholesale Electricity Spot Market (WESM), kasama ang pagbaba ng system loss rate na Php 0.0083/kWh.
Gayunman, nilinaw ng ISELCO-I na ang mga pagbabago sa ibang bahagi ng singil sa kuryente ang nakaapekto sa kabuuang power rate para sa buwan.
Patuloy umanong maapektuhan ang transmission charges na dulot ng mga aprubadong adjustments ng Energy Regulatory Commission (ERC) para sa National Grid Corporation of the Philippines (NGCP).
Dahil dito, nananatili sa Php 1.3233/kWh ang average transmission rate na sinisingil simula pa noong Hulyo 2025.
Dagdag pa rito, ipinatupad na rin ang Feed-in Tariff Allowance (FIT-All) at Green Energy Auction Allowance (GEA-All) charges ngayong Enero 2026, na layong pondohan ang mga renewable at green energy projects sa bansa.
Paalala ng ISELCO-I na maaaring magbago ang kabuuang power rate depende sa mga lokal na buwis na ipinapataw ng mga lokal na pamahalaan.
Source: ISELCO-1
————————————–
Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.
#985ifmcauayan
#idol
#numberone
#ifmnewscauayan
