Cauayan City — Muling nabuhay ang diwa ng kultura at agrikultura sa bayan ng Cabagan ngayong araw sa opisyal na pagbubukas ng Kalesa, Kabayu, Kalaseru (KKK) Festival, kasabay ng Agri-Trade Fair at One Town One Product (OTOP) Launching.
Higit pa sa isang simpleng pagdiriwang, layunin ng KKK Festival na bigyang-parangal ang mayamang pamana ng agrikultura ng Cabagan. Ang kalesa, kabayu, at kalaseru ay sumisimbolo sa sipag, kabuhayan, at paraan ng pamumuhay ng mga Cabaganos na naipapasa mula sa isang henerasyon patungo sa susunod.
Samantala, tampok sa Agri-Trade Fair at OTOP ang mga lokal na produkto, talento, at kasanayan ng mga magsasaka, artisan, at negosyante ng bayan, na nagbibigay sa kanila ng mas malawak na oportunidad upang mapaunlad ang kanilang kabuhayan.
Ipinapakita ng pagdiriwang ang pagkakaisa at pagmamalaki ng komunidad, habang pinapalakas ang lokal na ekonomiya at pinananatiling buhay ang mga tradisyon. Hinikayat ang publiko na makilahok sa mga inihandang aktibidad at suportahan ang pagdiriwang bilang pagkilala sa pinagmulan ng bayan at sa patuloy nitong pag-unlad.
————————————–
Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.
#985ifmcauayan
#idol
#numberone
#ifmnewscauayan
