𝗟𝗔𝗟𝗔𝗞𝗜𝗡𝗚 𝗧𝗨𝗟𝗔𝗞 𝗡𝗚 𝗜𝗟𝗘𝗚𝗔𝗟 𝗡𝗔 𝗗𝗥𝗢𝗚𝗔, 𝗧𝗜𝗠𝗕𝗢𝗚 𝗦𝗔 𝗦𝗔𝗡𝗧𝗜𝗔𝗚𝗢 𝗖𝗜𝗧𝗬

‎Cauayan City – Timbog ang isang lalaki na nakilala sa alyas na “Goryo” sa isinagawang buy-bust operation ng PDEA-Quirino kasama ang Santiago City Police at PNP Regional Drug Enforcement Unit sa Purok 2, Barangay Villasis, Santiago City.
‎
‎Nahuli ang suspek matapos umanong magbenta ng hinihinalang shabu sa isang operatibang nagpanggap na buyer. Ayon sa mga awtoridad, isa ang suspek sa mga mino-monitor nilang drug personality sa nasabing barangay.
‎
‎Nakumpiska mula sa operasyon ang limang sachet ng hinihinalang shabu na may bigat na tinatayang 12.7 gramo, dalawang cellphone, at marked money na ginamit sa operasyon.
‎
‎Kasalukuyang nakakulong ang suspek at nahaharap sa kasong paglabag saRepublic Act 9165 o Comprehensive Dangerous Drugs Act of 2002.