𝗠𝗚𝗔 𝗠𝗔𝗡𝗚𝗜𝗡𝗚𝗜𝗦𝗗𝗔 𝗦𝗔 𝗣𝗔𝗡𝗚𝗔𝗦𝗜𝗡𝗔𝗡, 𝗣𝗜𝗡𝗔𝗣𝗔𝗬𝗨𝗛𝗔𝗡𝗚 𝗛𝗨𝗪𝗔𝗚 𝗠𝗨𝗡𝗔𝗡𝗚 𝗣𝗨𝗠𝗔𝗟𝗔𝗢𝗧

Pinaalalahanan ang mga mangingisda sa lalawigan ng Pangasinan na pansamantalang ipagpaliban muna ang pagpapalaot. Kasunod ito ng itinaas na tropical cyclone wind signal number 1 sa lalawigan dulot ng Tropical Depression Gener at Hanging Habagat na inaasahang magdadala ng mga pag-uulan.

Ito ay upang maiwasan ang anumang insidente sa katubigan sa kabila ng walang nakataas na gale warning sa probinsya.

Nasa 55km/h ang lakas ng hangin habang 70 km/h naman ang bugso nito.

Pinayuhan din ng Office of the Civil Defense Ilocos Region ang publiko na maging handa sa mga posibleng pagbaha at pagguho ng lupa sakaling magtuloy tuloy ang pag-uulan. |𝙞𝙛𝙢𝙣𝙚𝙬𝙨