Cauayan City – Tiniyak ng Police Regional Office 2 (PRO 2) na nakahanda na ang kanilang hanay upang mapanatili ang kaayusan at seguridad sa buong rehiyon kasabay ng pagsisimula ng paggunita ng Semana Santa.
โAyon sa PRO 2, ipinatupad na ang komprehensibong hakbang upang masiguro ang ligtas at mapayapang pagdiriwang ng publiko.
โIpinakalat ang mga pulis sa mahahalagang lugar tulad ng mga simbahan, pangunahing kalsada, terminal, pamilihan, at mga pasyalan.
โPinalakas pa ito sa tulong ng mga force multipliers at partner agencies upang mas mapataas ang presensya ng pulisya at agarang pagtugon sa anumang insidente.
โNaglatag din ng Police Assistance Desks, mobile patrols, at checkpoint operations upang matulungan ang mga biyahero at deboto.
โSamantala, sinabi ni PRO 2 Regional Director PBGEN Antonio P. Marallag Jr. na naka-full alert ang kanilang hanay at handang protektahan ang publiko.
โHinikayat niya ang mamamayan na maging mapagmatyag, makipagtulungan sa awtoridad, at pairalin ang disiplina upang mapanatili ang mapayapa at maayos na paggunita ng Semana Santa.
