Inihain ngayon sa Sangguniang Panlalawigan ng Pangasinan ang isang resolusyong may kaugnayan sa nauna nang natalakay na isyu ukol sa nakikita umanong suliranin sa quarry areas partikular sa isang barangay sa bayan ng Sison sa lalawigan ng Pangasinan.
Pinangunahan ng ginoo na namumunong Board Member sa 5th District ng Pangasinan ang naturang resolusyon kung saan hiling sa bisa nito ang hakbang o aksyon mula sa pamunuan ng Department of Environment and Natural Resources o DENR na alamin at magtatag ng common cadastral – ng mapa o survey na tutukoy sa political at jurisdiction boundaries sa lahat ng bayan at lungsod sa Pangasinan.
Matatandaan na nauna na itong natalakay sa regular session ng SP na napabilang din ang usapin sa taxes na kung napatunayang pagmamay-ari ng Pangasinan ang ginagamitan ng extraction ay nararapat lamang umano na mapakinabangan ito ng probinsya.
Samantala, kaugnay pa nito ang iba pang epekto na nararanasan ng mga magsasaka sa bayan ng Sison kaugnay sa alleged quarrying activities na plano na ring paimbestigahan upang mabigyang linaw ang naturang isyu. |𝙞𝙛𝙢𝙣𝙚𝙬𝙨
