CAUAYAN CITY – NATUNTON AT NAARESTO NA NG MGA AWTORIDAD ANG SUSPEK SA PAMAMARIL-PATAY SA ISANG BARANGAY KAGAWAD SA BRGY. SAN GABRIEL, TUGUEGARAO CITY, CAGAYAN.
SA INILABAS NA ULAT NG POLICE REGIONAL OFFICE 2, ANG SUSPEK AY KINILALANG SI ALYAS “HENDRIE”, TUBONG BRGY. PATAGAN, MANUKAN, ZAMBOANGA DEL NORTE.
MATATANDAANG NAGANAP ANG PAMAMARIL SA BIKTIMANG SINA ALYAS “DIGONG”,59-ANYOS, BARANGAY KAGAWAD, AT ALYAS “SUSIE” 59-ANYOS, PAWANG RESIDENTE NG BRGY. ANGANG, TUAO, CAGAYAN, NOONG IKA-19 NG HUNYO NGAYONG TAON.
LUMALABAS SA PAGSISIYASAT NA NOONG MANGYARI ANG INSIDENTE, PAUWI NA SANA SA KANILANG TAHANAN ANG MAG-ASAWANG BIKTIMA GALING SA PALENGKE SAKAY ANG KANILANG KULONG-KULONG NANG TAMBANGAN SILA NG SUSPEK AT PINAGBABARIL KUNG SAAN TINAMAAN ANG BIKTIMANG SI ALYAS DIGONG.
MATAPOS ANG PAMAMARIL, KAAGAD NA TUMAKAS ANG SUSPEK SA PINANGYARIHAN NG INSIDENTE SAKAY ANG KANYANG MOTORSIKLO.
ANG PAGKAKAARESTO NG SUSPEK AY SA BISA NG WARRANT OF ARREST NA INISYU NG KORTE PARA SA KASONG MURDER NA ISINAMPA LABAN SA SUSPEK KUNG SAAN WALANG INIREKOMENDANG PIYANSA PARA SA KANYANG PANSAMANTALANG KALAYAAN.
