CAUAYAN CITY – NAARESTO ANG DALAWANG LALAKI MULA BARANGAY BUNOT, PARACELIS, MOUNTAIN PROVINCE MATAPOS MADISKUBRE ANG UMANO’Y ILEGAL NILANG KARGAMENTO NA NAGLALAMAN NG MAHIGIT DALAWANG LIBONG BOARD FEET NG NARRA FLITCHES, TINATAYANG AABOT SA P1.05 MILYON ANG HALAGA, SA ISINAGAWANG CHECKPOINT SA BARANGAY NAGSABARAN, DIADI, NUEVA VIZCAYA NITONG MARTES NG HAPON.
AYON SA ULAT, NAGSASAGAWA NG ROUTINE CHECKPOINT BANDANG 3:50 NG HAPON NOONG NOBYEMBRE 4, 2025 ANG PINAGSANIB NA PWERSA NG 2MFP, 1ST NUEVA VIZCAYA PROVINCIAL MOBILE FORCE COMPANY, DIADI POLICE STATION AT PROVINCIAL INTELLIGENCE UNIT NANG KANILANG HARANGIN ANG ISANG BERDENG ISUZU ELF NA WALANG NAKAKABIT NA PLAKA AT NAKATAKIP NG ITIM NA LONA.
NANG TANUNGIN NG MGA PULIS, HINDI UMANO MAIPALIWANAG NG DRIVER KUNG BAKIT WALANG PLAKA ANG SASAKYAN AT IGINIIT PANG “IPA” O RICE HULL ANG LAMAN NG KANILANG TRUCK.
NGUNIT NANG SILIPIN NG MGA OPERATIBA ANG BAHAGYANG SIWANG SA LIKOD, AGAD NILANG NAKITA ANG NAKASALANSANG MGA TROSO NG NARRA.
DAHIL WALANG NAIPAKITANG KAUKULANG PERMIT O DOKUMENTO ANG MGA SAKAY, AGAD SILANG INARESTO.
LUMUTANG DIN SA PAUNANG BERIPIKASYON NA MULA PA UMANO SA TABUK, KALINGA NANGGALING ANG KAHOY AT NAKATAKDANG IPUSLIT PATUNGONG BULACAN.
KASALUKUYANG INIIMBENTARYO AT TINATAYA NG MENRO-DIADI ANG NAKUMPISKANG KAHOY HABANG INIHAHANDA NG DIADI POLICE STATION ANG KASONG PAGLABAG SA PRESIDENTIAL DECREE 705 PARA SA PAGSASAMPA SA PROVINCIAL PROSECUTOR.
