𝟭 𝗣𝗔𝗧𝗔𝗬, 𝟮 𝗦𝗨𝗚𝗔𝗧𝗔𝗡 𝗦𝗔 𝗛𝗘𝗔𝗗-𝗢𝗡 𝗖𝗢𝗟𝗟𝗜𝗦𝗜𝗢𝗡 𝗦𝗔 𝗗𝗜𝗔𝗗𝗜, 𝗡𝗨𝗘𝗩𝗔 𝗩𝗜𝗭𝗖𝗔𝗬𝗔

‎Cauayan City – Patay ang isang tricycle driver habang dalawa naman ang nasugatan matapos ang banggaan ng tricycle at kotse sa Barangay Namamparan, Diadi pasado alas-8 ng gabi noong Marso 20.

‎Ayon sa ulat ng Philippine National Police (PNP) Diadi, binabaybay ng kotse na minamaneho ng isang residente ng Cauayan City ang northbound lane, habang ang tricycle ay minamaneho ng 50-anyos na lalaki mula Poblacion, Diadi, na may sakay na dalawang babae.

‎Sa imbestigasyon, napag-alamang pumasok ang tricycle sa linya ng kotse sa isang pakurbadang bahagi ng kalsada na may double yellow line, na nagresulta sa head-on collision ng dalawang sasakyan.

‎Agad na dinala sa ospital ang mga biktima ngunit idineklarang dead on arrival ang driver ng tricycle.

‎Samantala, nasa kustodiya na ng PNP ang driver ng kotse para sa kaukulang imbestigasyon at disposisyon.

‎Source: DWRV
‎Photo credit: NVPPO