CAUAYAN CITY- Tatlong binatilyo ang inaresto sa Santiago City matapos maaktuhang gumagamit ng marijuana sa Purok 4, Brgy. Naggasican.
Ayon sa ulat, nagsasagawa ng patrolling ang mga pulis nang mapansin nila ang tatlong kalalakihan na nagkukumpulan sa isang liblib na lugar.
Nang lumapit ang patrol group, naamoy nila ang isang kahina-hinalang amoy na nagmumula sa mga sigarilyo ng mga suspek, kayaโt nagdesisyon silang magsagawa ng imbestigasyon.
Nang lapitan ng mga pulis ang mga suspek, agad na tumakas ang mga ito at tinangkang itapon ang kanilang mga hinihithit na sigarilyo.
Dahil sa mabilis na aksyon ng mga pulis, nahuli ang tatlong indibidwal at dinala sila sa Police Station 4 para sa dokumentasyon.
Narekober mula sa mga suspek ang isang piraso ng nakatiklop na papel na naglalaman ng mga tuyong dahon na pinaniniwalaang marijuana, na may bigat na 11.4 gramo at nagkakahalaga ng Php 1,368.
Samantala, napag-alaman na isa sa mga suspek ay menor de edad, kayaโt siya ay dinala sa City Social Welfare and Development (CSWD) para sa nararapat na aksyon.
