BINALBAGAN, NEGROS OCCIDENTAL – (2nd UPDATE ) Ginalantaw naman sang Bureau of Fire Protection-BFP Binalbagan nga faulty electrical wirings ang rason sang sunog nga nag-lamon sang duwa ka panalgan sang San Blas Academy Inc. sa Barangay Payao, banwa sang Binalbagan.
Kapin sa 14 tanan ka classroom ang nasunog sa diin lakip sa mga na-abo ang library sang amo nga private school.
Sa inisyal nga assessment sang principal sang San Blas Academy, naglab-ot sa ₱11 milyones pesos ang estimated cost of damage sang sunog nga nag-sugod naman mga pasado alas-9:20 sang gab-I sadtong Martes sang gab-i, Agosto 28.
Ma-swerte naman nga wala nadalasa ang computer room nga yara ground floor bangud nga may yara ini sang firewall.
Suno kay FO3 Jonathan Bernardes sang Binalbagan Municipal Fire Station, nga madasig nga nagdaku ang kalayo bangud nga ang school building ang human sa kahoy.
Pati ang mga fire-truck sang Isabela kag Hinigaran ang nag-responde man sa banwa sang Binalbagan agud nga magbulig sa pag-palong sang tuman ka daku nga sunog.
