Nananawagan ngayon ang Department of Science and Technology (DOST)-Region 1 sa mga nais maging aplikante para sa 2024 DOST โ Science Education Instituteโs (SEI) Undergraduate Scholarship Program.
Ang DOST-SEI Undergraduate Scholarship Program ay isa sa mga scholarship program ng gobyerno na naglalayong pukawin at hikayatin ang mga mahuhusay na kabataang Pilipino na ituloy ang panghabambuhay na produktibong karera sa agham at teknolohiya.
Ayon kay Nikko Ofo-ob, Project Technical Assistant IV ng DOST Scholarship Unit, ang mga ganap na iskolar ay may karapatan sa iba’t ibang pribilehiyo kabilang ang P40,000 bawat taon para sa matrikula at iba pang bayarin sa paaralan; P7,000 buwanang allowance sa pamumuhay; at P10,000 kada taon para sa learning materials at connectivity allowance.
Ang mga interesadong aplikante ay dapat magtapos ng Grade 12 na mga estudyante sa School Year (SY) 2023-2024, o mga nagtapos ng Grade 12 ng mga naunang taon ng pag-aaral.
Ang mga iskolar ay maaaring pumili mula sa maraming kursong prayoridad sa agham at teknolohiya, kung saan ang listahan ay makikita sa website ng DOST-SEI.
Ang aplikasyon ay online at maaaring ma-access sa pamamagitan ng www.science-scholarships.ph/#/home.
Ang mga aplikasyon ay dapat isumite sa o bago ang Disyembre 31, 2023. Isasagawa ang qualifying examination sa Abril 6 hanggang 7, 2024. |๐๐๐ข๐ฃ๐๐ฌ๐จ
