Kontrolado karon sa Barangay Kauswagan ang pag-lockdown sa area sa Zone 1 Kauswagan ning syudad.
Matud ni Kagawad Artagnant Pimentel sa Brgy. Kauswagan, nga nakabantay sa area ang kapolisan uban ang mga barangay tanud.
Dugang pa niini nga mikabat sa 78 ka pamilya ang na lockdown sa area, kinsa gihatagan karon og ayuda sa local nga kagamhanan.
Giklaro ni Pimentel nga aduna usay giandam ang barangay nga ayuda, kung ugaling magkulang ang suplay sa city government.
Samtang……
Adunay bangko nga gibutang atubangan sa matag nataran, aron didto ibutang ang mga ayuda nga gikan sa local nga kagamhanan.
Matud ni Kagawad Artagnant Pimentel sa Barangay Kauswagan nga ang tagbalay na mismo ang magkuha sa ayuda.
Nasayran nga walay gitugutan nga mogawas sa ilang nataran, gawas lamang niadtong adunay mga trabaho.
Nasayran usab nga kung pananglitan adunay mga tabang o ayuda nga ihatag alang sa usa ka pamilya, dili na kini makasulod sa checkpoint.
