GIKALIPAY sa Provincial Government of Bukidnon ang Certificate of Award nga nadawat sa Provincial Government of Bukidnon gikan sa Department of Agriculture, pinaagi ni Secretary William D. Dar, atol sa gipahigayon nga Turn-over of Various Machineries, Equipment and other Agri-Interventions in Northern Mindanao niadtong Biyernes sa Kaamulan Open Theater, Kaamulan Park, syudad sa Malaybalay, Bukidnon.
Gibutyag ni Governor Zubiri nga talagsaong oportunidad nga mahatagan sa ubay-ubay’ng makinaryas ug kagamitan sa pagpanguma diin dugay na usab kining gihandum sa nagkalain-laing organisasyon ug asosasyon sa mga mag-uuma sa humay.
Sa data nga gihatag ni Secretary Dar, kinatibuk-ang ₱1,127,470,000.00 ang gigahin sa General Appropriations Act para lamang sa probinsya sa Bukidnon ning tuig 2021, alang sa pagpatuman sa lain-laing mga programa ug proyekto sa Department of Agriculture ingon man sa Attached Bureaus/Agencies niini, nga gilangkuban sa mosunod: DA-Regional Office nga adunay gigahing pondo kantidad ₱579,459,000.00; DA-Bayanihan 2 – ₱180,360,000.00; ATI-₱2,350,000.00; BFAR – ₱5,290,000.00; BPI-NSQCS – ₱223,000.00; BPI-SPAL – ₱320,000.00; PCA – ₱12,684,000.00; PCIC – ₱105,471,000.00; PhilFIDA – ₱1,312,000.00; PhilMech – ₱240,000,000.00.
Gilauman usab nga sa sunod tuig, laing hugna na usab sa susamang kagamitan ang matunol sa probinsya sa Bukidnon.
Alang sa kalihukan nga gihimo karong hapon, pormal nga gitunol ang kinatibuk-ang ₱513,623,000.00 alang sa farm infrastructure, agri-related livelihood interventions ug farm machineries and equipment nga naglakip sa four-wheel tractor (38 units), hand tractor (43 units), floating tiler (63 units), precision seeder (2 units), walk-behind transplanter (16 units), riding-type transplanter (3 units), rice reaper (9 units), combine harvester (25 units), mechanical thresher (9 units), recirculating dryer (1 unit), ug mobile rice mill (15 units).
Gipadangat ni Secretary Dar ngadto kang Governor Zubiri nga gusto niining makighiusa sa paningkamot alang sa kalambuan sa agrikultura sa probinsya aron mapadali ug mapataas-an ang ani sa mga mag-uuma. Ang maong kalihukan gitambungan sa mga DA Undersecretaries and Assistant Secretaries, DA-Regional Office 10, department heads sa pangagamhanang probinsyal, mga mayor sa probinsya uban sa 45 ka mga Farmer’s Cooperatives and Association (FCAs), kinsa benepisyaryo sa Rice Competitiveness Enhancement Fund (RCEF)-Mechanization Program.
