CAUAYAN CITY – Pinahusay ang kaalaman ng 20 Agricultural Extension Worker (AEW) sa Cagayan Valley sa pamamagitan ng Training on Organic Agriculture Production Technologies na pinangunahan ng Agricultural Training Institute–Regional Training Center 02 (ATI- RTC 02) katuwang ang Department of Agriculture–Regional Field Office 02 (DA-RFO-02) Organic Agriculture Program.
Layunin ng pagsasanay na palawakin ang kakayahan ng mga AEW sa pamamahala ng composting systems, paggawa ng iba’t ibang organic inputs, at mas epektibong paggamit ng agricultural wastes upang mas suportahan ang kanilang komunidad.
Tinalakay ang mahahalagang paksa tulad ng soil health, nutrient management, biochar production, vermiculture, composting technologies, at implementasyon ng composting facilities for biodegradable wastes (CFBW) projects.
Nagkaroon din ng hands-on activities gaya ng paggawa ng fermented plant juice (FPJ), fermented fruit juice (FFJ), fish amino acid (FAA), operasyon ng rotary composter, at pagtatayo ng vermi beds.
Binigyang-diin ng ATI-RTC 02 na ang wastong pamamahala ng agricultural wastes at organikong pagsasaka ay hindi lamang nakakatulong sa kalikasan kundi nakadaragdag din sa kita at sustainability ng mga sakahan sa Cagayan Valley.
————————————–
Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.
#985ifmcauayan
#idol
#numberone
#ifmnewscauayan
