𝗗𝗢𝗛, 𝗗𝗘𝗣𝗘𝗗 𝗔𝗧 𝗟𝗚𝗨 𝗥𝗔𝗠𝗢𝗡, 𝗡𝗔𝗚𝗞𝗔𝗜𝗦𝗔 𝗣𝗔𝗥𝗔 𝗦𝗔 𝗞𝗔𝗠𝗣𝗔𝗡𝗬𝗔 𝗞𝗢𝗡𝗧𝗥𝗔 𝗕𝗨𝗟𝗔𝗧𝗘

Cauayan City – Inilunsad ng Department of Health – Cagayan Valley (CVCHD) katuwang ang Department of Education at LGU-Ramon ang kampanyang “Oplan Goodbye Bulate” sa Ramon Central School.

‎‎Lumahok sa aktibidad ang 1,047 mag-aaral mula kindergarten hanggang Grade 6 at ALS learners. Isa itong bahagi ng mas pinalawak na serbisyo para sa mass drug administration laban sa soil-transmitted helminthiasis o STH, isang karaniwang sakit na dulot ng bulate sa tiyan.

‎‎Tinalakay nina Dr. Janet M. Ibay at Dr. Guia G. Comillas ang kahalagahan at kaligtasan ng deworming tablets, na mahalaga upang maiwasan ang mabagal na paglaki at mahinang pagkatuto sa mga bata.

‎‎Ang aktibidad ay naging daan para sa mas matibay na ugnayan ng mga guro, magulang, health workers at lokal na pamahalaan tungo sa isang mas malusog na pamayanan.