Umaabot sa halos dalawang daang libong piso na halaga ng hinihinalang shabu kasama ang baril at mga bala ang nakumpiska sa isang electrician sa Alaminos City.
Ang suspek ay nakilalang si Oliver Onia residente ng Banig Norte bayan ng Bani.
Nagkasa ng Oplan bakal ang hanay ng PNP Alaminos sa isang videoke bar sa nasabing Lungsod pasado ala una ng madaling araw kung saan ay lahat ng mga kostumer sa nasabing bar ay pinatayo at pinataas ang mga damit.
Dito na nahuli ang suspek na nakita ang ang isang Caliber 45 sa kanyang kostudiya, kasama ang dalawang magazine nito at labing limang mga bala.
Samantala, nakakuha rin ng dalawampu’t limang sachet ng hinihinalang shabu na tumitimbang ng 25 grams at nagkakahalaga ng ₱170k.
Inihahanda na ngayon ang mga kasong isasampa laban sa suspek. |𝙞𝙛𝙢𝙣𝙚𝙬𝙨
