Makikita sa CCTV footage na kumakalat ang naging kaganapan sa isang Bar sa Lungsod ng San Carlos nitong Linggo nang pagtulungang bubugbugin ng dalawang lalaki ang isang lasing na lalaki.
Dahil sa tinamong bugbog ng biktimang si Samuel De Vera, 30-anyos, residente ng Barangay Bolosan, mula sa kamay ng mga suspek at sa pagkakauntog nito sa semento ay na-comatose ito sa Region 1 Medical Center, ngunit sa kasamaang palad ay binawian na ng buhay ang biktima.
Samantala, sa naging panayam ng IFM News Dagupan kay PLTCOL. Jose Abaya Jr. ay nahuli at nakasuhan ng kasong Homicide ng mga awtoridad ang mga suspek na kinalalang sina Carl Esperanza, 25-anyos at Jojo Lomibao, 27-anyos pawang mga residente ng Brgy. Pagal sa lungsod ngunit dahil maaaring piyansahan ang kanilang kaso ay nakapagpiyansa ang dalawa ng tig ₱40, 000 bawat isa.
Sa ngayon, hinihingian pa ng IFM News Dagupan ang panig ng pamilya ng biktima ukol sa insidenteng ito. |𝙞𝙛𝙢𝙣𝙚𝙬𝙨
