Nagalab-ot sa masobra 1.2 million ka mga estudyante ang ginalauman nga magadagsa sa tanan nga mga pampubliko nga eskwelahan sa rehiyon dose halin kindergarten tubtob senior high school sa pormal nga pagbukas sang klase subong nga adlaw para sa school year 2019-2020.
May-angot sini, suno kay Deparment of Education ukon Dep. Ed. 12 Regional Director Dr. Allan Farnazo isa sa aktibidad nila sa subong ang pagmonitor sa sitwasyon sang mga eskwelahan sa pagbukas sang klase.
Ang tagsa man suno pa ka mga eskwelahan ang magapatigayon sang aktibidad nga magawelcome sa mga estudyante partikular na sa mga new learners.
Ginpahayag man ni Dr. Farnazo nga base sa ila datos indi naman tanto problema ang kakulangan sang mga manunudlo kag mga classroom subong nga pag-abri sang klase.
Ginkumpirmar niya man nga may pipila pa ka mga school buildings sa rehiyon nga wala pa natapos ang construction kag kon natapos wala pa turn-over.
Samtang sa mga magpaenrol pa subong nga adlaw suno sa regional director ang paga akumudaron gihapon, apang magpalapit na sa principal’s office agud nga indi madisturbo ang klase.
