Naglab-ot sa 1.5 million pesos (1,500,000) ang napanagtag ni Senator Manny Pacquaio nagligad nga biernes kag sabado.
Si Pacquaio ang nag-abot sa Bacolod angot sa pinaka-una nga home game sang Bacolod Masters sa MPBL.
Nahibalu-an nga si Pacman ang founder sang Maharlika Pilipinas Basketball League.
Suno kay Congressman Greg Gasataya nga nag-advise ang PNP kay Senator Pacquaio nga kon pwede INDI nalang siya manghatag sang cash for security reasons, apang gindayun gid ni Pacman ang pagpanghatag sang 1000 pesos sa mga naga-hulat nga taho sa gwa sang iya hotel.
Nahibalu-an man nga si Manny Pacquaio ang adopted son sang syudad sang Bacolod.
I SHALL RETURN
Ginapasalamatan naman ni Senator Manny Pacquaio ang mga taga-Bacolod kag taga-Negros nga padayon nga naga-suporta sa iya.
Suno kay Pacman nga nahidlaw man siya sa Bacolod bangud madugay man siya nga wala nakabalik sa syudad kon sa diin ginakilala ini bilang adopted son.
Pahayag ni Senator Pacquaio nga may yara sila sang gin-finalize nga mga proyekto para sa Bacolod City in coordination naman sa opisina ni Congressman Greg Gasataya kag Mayor Bing Leonardia.
Samtang, magabalik naman sa Bacolod si Pacman sa second home game sang Bacolod Masters sa October 17 nga ‘timing’ naman sa selebrasyon sang MassKara Festival.
