Patuloy na ipinagmamalaki ng Alaminos City ang mga Valiant Islanders sa ikatlong araw ng R1AA Regional Meet sa Candon City, Ilocos Sur, matapos nilang makamit ang 1 gold at 5 silver medals.
Ang gold medal ay nakamit ni Erica Mae Bumacod, na nagpakitang-gilas sa Athletics Girls Secondary Long Jump, at nagbigay ng karangalan sa buong lungsod. Samantala, si Fherlyn Domenden, na gold medalist sa nakaraang araw, ay nagdagdag ng dalawang silver medals sa 400M Hurdles at 1500M Run.
Iba pang silver medalists sa ikatlong araw ay sina CJ Espiritu sa 400M Hurdles, John Lenard Villar sa Long Jump, at Samantha Ragudos sa Long Jump.
Ayon sa coaching staff, ipinapakita ng mga atleta ang kanilang sipag, tiyaga, at dedikasyon sa bawat paligsahan, na patuloy na nagbibigay ng inspirasyon at karangalan sa lungsod. Sa bawat medalya, pinapakita nila ang determinasyon at pagmamalasakit sa kanilang komunidad, patunay na ang sipag at disiplina ay nagbubunga ng tagumpay. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
