Nakatala ang Provincial Task Force on COVID-19 sa Bukidnon ug usa ka Person Under Monitoring kon PUM.
Sa interview sa RMN Malaybalay ngadto kang Dr. Ricardo Reyes, ang Provincial Health Officer ug Chairman sa Provincial Task Force on COVID-19, gibutyag niini nga dili angayang ika-alarma ug ikabalaka ang mao nga usa ka kaso sa PUM.
Gipasabot niya nga dili kini angayang kahadlukan tungod kay natala kini nga PUM tungod sa agresibong pagpangita sa health workers sa mga tawo nga adunay history sa pagbiyahe sa mga nasud nga adunay kaso sa coronavirus.
Nagpakita lang matud pa kini nga nagtrabaho ang mga Barangay Health Emergency Response Team kon BHERTS.
Kon anaa sa PUM ipailawom kini sa 14 ka adlaw nga self quarantine.
Subling giklaro ni Dr. Reyes nga sa karon walay gikataho nga kaso sa COVID sa probinsya sa Bukidnon.
Hinoon gibutyag niya nga dili angayang magkumpiyansa tungod sa gikabalak-ang community transmission.
Angayang sundon matud pa ang precautionary measures sama sa saktong pamaagi sa paghugas sa kamot, ug tabunan ang baba kung mu-ubo.
