Sumala ni Dr. Michelle Schlosser, tigpamaba sa Davao City COVID-19 TF (sa interbyu sa city-owned radio), bisan og gi-lift na ang social distancing subay sa Executive Order (EO) No. 11 Series of 2022 sa City Government Davao, ipatuman kini sa adlaw sa piniliay aron malikayan ang risgo sa takod sa COVID-19.
“Diba sa atong EO 11, gi-lift nato atoang social distancing, but for this event, we will be implementing social distancing just to make sure that there is no possibility of transmission or high risk for transmission,” sulti ni Schlosser.
Gibutyag ni Schlosser, mamahimo gihapong makabotar ang mga indibidwal nga nagbaton og Influenza-like Illness (ILI) symptoms, apan didto sila sa imungtar nga isolated nga presinto.
Subling giklaro sa health official nga dili rekisitos ang vaccination card panahon sa pagboto karong eleksyon.
RadyoMaN Kirby Manzon
