Gilusad karon sa Bureau of the Treasury ang 1 year Premyo Bonds nga gitawag og Invest Pa More. Panalo pa More. Premyo Bonds Para sa Bayan.
Matud ni Dir. Eduardo Anthony Mariño III sa Bureau of Treasury nga sa kantidad nga 500 pesos nga investment, mahimong maka-angkon sa premyo nga 1 million pesos o house and lot o condo unit.
Nasayran nga kinahanglan lang mag invest sa pinaka minus nga 500 pesos sa mga bangko sama sa DBP, ChinaBank, Landbank, BDO, MetroBank ug First Metro.
Ang maong kantidad mag interest og 3% per annum, samtang sa matag 500 pesos nga investment, automatiko kini nga entry alang sa himuong raffle sa matag quarter, kung asa adunay 50 ka mga winners sa tig 20 mil pesos, 10 ka winner sa tig 100,000 pesos ug usa ka winner sa 1 million pesos.
Dugang pa nga adunay ipa raffle nga house and lot o condo unit, gikan sa hotel 101, lessandra sa vista land ug megaworld.
Kini nga promo, nag sugod niadtong November 25 ug molungtad hangtud sa December 13 karong tuiga.
