Muerto el un security guard mientras ciete otro el irido despues el van que ta munta sila ya cay na cementera na Culianan enantes madrogada.
Conel muerto ya conose como si Jose Sony Valeriano Falmes, del Pichel Security Agency y residente de Manicahan.
Mientras con el maga irido ya conose como canda; Samsudin Utoh y Cuevas, 57, casao, Abdul Bacit y Cuevas, 57, casao, LeoJay Emanuel y Deleon, 24, Arsarit Handang y Talah ,18, todo de Manicahan, Shena Discar y Enolfe, 27, de Culianan Palayan, Lanie Laurente y Nurudin 47, casao de Cabaluay y si Roderico Solis y Eusevio, 60, casao de Cabaluay.
Asegun na report pasada alas 2 del madrogada encamino el van para na Sangali y cuando ya llega na Culianan particularlmente na abahada y curvada lampas na escuela del elementaria, ya perde el guia del manivela el tsuper y yan derecho na cementera.
Si Falmes ya muri ensiguidas mientras el ciete ya iri y ya lleva na hospital.
