Roxas City, Capiz – Gina-obserbar subong nga bulan sang Hulyo sang Philippine National Police ang PCR ukon Police Community Relation Month.
Ini ang may yara sang tema nga “Sambayanan: Mahalagang Kaakibat ng Kapulisan sa Pagtaguyod ng Mapayapa at Maunlad na Bayan.”
May kaangut sini, isa ka programa ang ginpatigayon sa banwa sang Dumarao subong man nagpatigayon sang rekorida sa Roxas City ang mga kapulisan sa pagpanguna sang hepe sang PCR Section nga si Police Lt Col Ricardo Jomuad agud ipahibalo sa publiko nga nagsugod na ang pag-obserbar sang PNP sang PCR month.
Samtang gintumod man ni Police Executive Master Sargeant Donna Asmod ang ka-importansya sang pag-isa sang komunidad kag kapulisan para sa kalinong kag katawhayan sang probinsya.
photo(c)- Capiz PPO Pcads
