Takna alas 9:00 subong nga gab e sang nagbungguanay ang truck kag motor sa kurbada nga bahin sang dalan sa Brgy.Tambunac,San Enrique,Iloilo.
Base sa initial nga impormasyon, maga padulong kuntani sa banwa ang single nga motor sang wala nakalikaw kag nagbunggo sa sumalang nga truck nga naghalin naman sa Passi City, matapos nag ariya sang karga nga tubo. Nahukas gid ang wala nga bahin sang karito sang truck sa kabaskog sang pagkabunggo sang motor.
Gindeklarar DOA sa Don Velerio Hospital sa Passi City ang driver sang motor nga ginkilala kay Dave Marfil 18 anyos kag tumandok sang Sitio Agutayan,Brgy.Cubay, San Enrique ,Iloilo, Naga pabilin naman nga kritikal ang isa ka angkas sini kag padayun man ginabulong ang isa pa gid kaupod sini nga naka angkun sang fractured leg kag daku nga pilas sa agtang sini.
Gina pahanumdum gid sa mga motorista nga gina kabig “accident prone” area ang natabuan sang aksidente gani kon mahimu mag panirbato gid o mag pahinay kon naga padalagan sang inyo salakyan.
(C) Tita Jen Palomo Debaja
photo © Ivan Pagulong
