General Santos City–Patay ang wala pa mailhing lalaki samtang angul ang lain pang duha ka mga cutomer sa usa la loging house nga Stay Inn nga nahimutang sa Quizon Ave. Barangay Dadiangas West ning syudad human kining masunog alas 4:00 pasado sa kaadlwon kagahapong adlawa.
Gi-ila ang mga nasamdan nga silang Jay Jimena, 22 anyos ug kauban niini nga si Mark Rojo, 34 anyos nga parehong nanimuyo sa davao city , ang mga nasampit driver ug pahinante sa delivery truck nga gipanag-iyahan sa Main Pacific Features nga nag-check in lang sa maong lugar human nga nagdeliver sa ilahang mga produkto sa syudad.
Samtang padayong ginasuta ang identity sa namatay nga anaa na sa lokal nga purenarya ning syudad.
Sumala pa ni Sfo3 Allan Rey Imperio ang Chief Arson Investigator sa BFP-Gensan nga mukabat ngadto sa lima ka mga establishemento ang gilamoy sa kalayo kung asa gibana-banaang ana sa P600,000.00 ang nahimong damyos.
Basi matud pa sa inisyal nga imbistigasyon nagsugod ang kalayo sa taas nga bahin sa maong lodging house ug paspas nga mikatag ngadto sa katapad nga establishemento.
Wala pa matumbok sa otoridad kung unsa ang hinungdan sa sunog apan usa matud pa sa ilahang ginatan-aw mao ang electrical short circuit human nga nakita matud pa sa witness nga ayha misilaob ang kalayo unang misiga ang mga wire sa nsangpit nga lodging house. (Dave Silagan)
