General Santos City—Usa patay samtang duha ang nasikop atol sa gihimong sunod sunod nga ronda sa kapulisan ug sa PDEA Regional office 12 sa Malungon, Sarangani Province sa nakalabayng adlaw.
Unang nasikop ang usa ka Jonathan Tialang, 32, mag-uuma, residenti sa samang lugar, nakuha sa iyang posisyon ang (5) ka gramos sa pinaugang dahon sa marijuana nga gibana-banaang anaa sa P600.00 ang kantidad.
Sunod nga nasikop ang suspek nga si Quino Sinaya alias Kenu, 34, minyo, mag-uuma ug residenti gihapon sa maong lugar. nakuha sa iyang posisyon ang (7) ka gramo sa pinaugang dahon sa marijuana nga nagkantidad ug P840.00, homemade shotgun ug (5) ka rounds sa buhing bala.
Sunod nga gironda ang balay sa usa ka Jonel Tialang kansa apil sa target listed personality. Patay ang nasangpit human nga misukol sa operastiba diin natigayon pa ang binayluay ug bala tali sa suspek ug sa personahe sa kapulisan ug sa PDEA.
Narekober gikan sa posisyon sa suspek ang mukabat sa (5,000) ka gramos sa marijuana nga gibana-banaang anaa sa P600,000.00 ug 12-gauge shotgun nga adunay (6) rounds sa buhing bala.
Kasong kalapasan sa Section 11 (Possession of Illegal Drugs), Article II of Republic Act 9165 ( Comprehensive Dangerous Drugs Act of 2002) ug RA 10591 ang gipasang-at nga kaso sa PDEA Regional office-12 ngadto sa mga dinakpan.
