Davao City – Magsugod na karong Nobyembre 29, 2021 ang klase sa Faith International Academy of Davao City human na aprubahan sa implementasyon sa pilot face to face classes.
Sa interbyu sa DXDC RMN Davao kang DepEd XI Spokesperson Jenielito Atillo, kini pa lamang ang pribadong eskwelahan sa Davao Region nga nakatuman sa mga rekisitos.
Segun ni Atillo, 5 ka mga teachers kinsa mga fully vaccinated ang i-utilize sa 2 month period sa limited face to face classes, samtang anaa lang sa napulo ka mga estudyante ang mosalmot niini, usa sa Kindergarten, tulo sa Grade 1, usa sa Grade 2 ug lima sa Grade 3.
Subay niini, aron masigurong andam na ang tanan, ang maong eskwelahan molusad usab og re-orientation ug simulation exercises una pa man magsugod ang klase sa Nobyembre 29.
RadyoMaN Aimee Guinita
