Davao regulation sa minors pagsulod sa mall ginahisgutan

29

Davao City – Padayon pang ginahisgutan karon sa City Government of Davao ang regulasyon alang sa mga menor de edad pagsulod sa malls o areas of convergence.

Matud ni Davao City Mayor Sara Duterte-Carpio (sa interbyu sa city-owned radio), padayong gisunod sa Local Government Unit (LGU), ang guidelines sa Inter-Agency Task Force (IATF) national kabahin niini diin sa lokal, wala pay resolusyon apan ginatuki na karon partikular na sa Response Cluster ang mamahimong guidelines sa minors partikular na ang 11-anyos.

Gipasabot sa alkalde nga mas risgo sa Coronavirus Disease 2019 (COVID-19) ang mga nag-edad og 11-anyos paubos tungod kay sila dili pa mamahimong mabakunahan.


“Ang discussion is about the age of children particularly the 11 (years old) below kay ang 12 above, they are allowed the get the vaccination already. Ang ginaistoryahan lang nato is the 11 below,” segun sa mayor.

Nasayrang gihatagan sa national government ang matag LGU og katungod sa pag-imposar og measures sa pag-limit sa lihok sa mga menor de edad sa ilang lokalidad.

RadyoMaN Kirby Manzon



Facebook Comments