Isa ka taga-South Cotabato ang kumpirmado nga nalakip sa 37 ka mga natrap kag ginapatihan napatay sa nagluntad nga sunog sa NCCC mall sa Davao City sang Sabado nga adlaw.
Ginkilala suno kay Pdrrm Action Officer Mila Rivera ang nasambit nga biktima kay Rhenzi Nova Muyco,isa man ka call center staff kag residente sang banwa sang Banga, South Cotabato.
Sa subong suno sa Pdrrm Action Officer nagapadayon ang pagcoordinate nila sa Cswdo Davao City kon bala may-yara pa sang iban nga taga-South Cotabato nga nalakip sa 37 ka natrap sa NCCC Mall fire incident.
Samtang suno kay Maam Rivera may ginaverify pa sila nga isa pa ka ginasiling nga taga-South Cotabato nga nalakip man sa 37 nga natrap.
Aminado man siya nga nabudlayan sila nga maidentify ang taga-South Cotabato nga biktima sang sunog tungod ang ginbutang nila nga address sa mga dokumento ang address sang ila nga boarding house sa Davao City.
Handa naman suno pa nga maghatag sang ayuda ang lokal nga panggobyerno sang South Cotabato sa pamilya sa biktima sang nasunog nga mall sa Davao City.
photo by: Rmn Davao
