10 anyos nga bata nalugusan sang kumpare sang iya amay sang New Year

1943

CADIZ CITY, NEGROS OCCIDENTAL – Isa ka 10 anyos nga bata nga babayi ang ginaalegar ginhimuslan sang kumpare man lamang sang iya amay sining nagligad lang nga New Year, Enero 1 sa isa ka barangay sa ciudad sang Cadiz.

Kahapon sang aga gindala sang iya ginikanan ang amo nga biktima sa Cadiz City Emergency Clinic agud ipalantaw bangud nga naga-bleeding ang amo nga bata kag didto nakita nga positibo ini nga gin-rape.

Suno sa imbestigasyon ginhagad sang amay sang biktima ang suspek nga iya man lamang kumpare agud nga mag-inom inom sa ila balay sang nagligad nga Disyembre 31.

Samtang nga naga-inom, nagpalapit ang biktima kag nagpangayo sang mani sa kumpare sang iya tatay kag ginhatagan man niya ini.

Apang sang nahubog na, nagsulod sa balay sang biktima ang suspek kag didto na nga iya ginhilabtan ang bata.

Sang nadakpan, hugot nga gin-deny sang suspek ang pagpanglugos kag nagsiling nga wala niya natandog ang bata kundi ginhikap-hikap gid lamang niya ini.

Sa karon yara na sa custodial facility sang Cadiz City Police Station ang suspek./dyHB BACOLOD

Facebook Comments