Gibantog na ang saging nga maoy madali-dali nga merienda sa mga pinoy. Unsa man klaseng luto, pwede linung-ag, ginang-gang, pinirito ugp wede sab hinog nga kaonon ilabi na ang saging lamisa. Pero kabalo baka nga daghang benepisyo atong makuha sa saging? Kasagaran sa atong nahibaw-an nga kini abunda sa Potassium. Pero akong i-share sa inyo ang daghan pang uban nga mga benepisyo gikan sa saging. Akong paborito sa tanan ang makawala sa hangover! Ang mosunod ang napulo nga mga benepisyo atong makuha gikan sa saging:
1. POTASSIUM – Mao kini ang usa ka element sa awas kung diin mao kini makatabang sa pagmintina sa proper heart function ug makahatag kanimo ug normal blood pressure.
2. MADUNGAGAN IMONG KUSOG – Nagkuyanap na karon ang mga sports drinks, energy bars ug electrolyte gels pero imong Makita ang mga professional athletes nga nagkaon ug saging pagkahuman o dili ba kaha una pa man sa ilang event. Sama nalang sa pagtan-aw nimo ug tennis kahibulongan nga makita nimo ang players nag merienda ug saging tunga-tunga sa dula. Kini tungod sa makahatag kanila ug kusog or dugang energy level.
3. IMPROVED DIGESTION – Gikinahanglan sa atong lawas ang fiber aron nga makatabang sa mga pagkaon nga makaabotsa digestive tract. Kasagaran nato dili makakuha ug fiber sa atong mga pagkaon apan ang saging maoy usa nga daghan ug himay-himay o dili ba kaha ang gitawag nga dietary fiber.
4. MAKAAYO SA SAKIT NGA ULCER UG HEARTBURN – Nailhan na ang saging nga makatambal alang sa heartburn. Balansihon ni-ini ang asido kon pH level sa imong tiyan ug makatabang aron protektahan ang mucus layer ug mawala angsakit. Ang Kanunay nga pagkaon ug saging makatabang kini nga protektahan ka sa sakit nga ulcer.
5. VITAMIN B6 – Ang saging adunay taas nga content sa Vitamin B6 nga importanteng makatabang sa paghimo ug haemoglobin alang sa kahimsog sa atong dugo.
6. KONDISYON SA PAMANIT – Bisan pa man nga ang panit sa saging aduna gihapoy gamit. Pwede kining mamahimong treatment sa sakit sa pamanit sama sa psoriasis ug acne.
7. DAGHANG BITAMINA UG MINERALES – Dugang pa sa potassium ug vitamin B6 nga na-ingon sa ibabaw, ang saging aduna usab taas nga level sa Vitamin C, Magnessium ug Mangganese.
8. PAKIGBATOKAN ANG SAKIT NGA CANCER – Basi sa pinakaulahing pagtuon nga gihimo sa mga hapones, kining hinog na kaayo nga saging nga aduna nay mga talomtom maoy magahatag ug TNF-a compound. Mao kini ang cytokine nga gituhoan nga mopasaka sa ihap sa white blood cells nga maoy mokumbati aron pakigbatokan ang cancerous na mga cells.
9. MAKAWAGTANG SA IMONG KASAPOT UG KAKAPOY –Ang saging maoy usa sa maayong tinubdan sa amino acid trypthopan nga maoy ibalhin sa imong lawas ngadto sa serotonin. Tungodni-ini, mawala ang imong kasapot ug kakapoy ug tagaan ka sa hamugaway nga panagway.
10. MAKAWAGTANG SA HANGOVER – Ang saging maoy pinakalamian kaunon sa sayo sa buntag ilabina ug nasobraan ka ug inom sa bino kagabie.
